Naibu Mkuu wa Chuo Mipango, Fedha na Utawala - NIT, Dkt. Dkt.Zainabu Mshana amefunga rasmi mafunzo ya VIP yaliyoandaliwa kwaajili madereva wanaoendesha viongozi wa jeshi la polisi tarehe 30 Aprili 2026.

Akizungumza na madereva waliohudhuria mafunzo hayo kutoka jeshi la polisi wakati wa hafla ya kufunga mafunzo hayo iliyofanyika katika ukumbi wa Auditorium uliyopo katika kampasi ya Chuo Mabibo Jijini Dar es salaam Dkt. Mshana amelishukuru Jeshi la Polisi kwa kuchagua NIT kama sehemu sahihi kwa madereva hao kupatiwa mafunzo ya VIP daraja la pili.

"Kwa niaba ya Uongozi wa Chuo natoa shukrani za dhati kwa Uongozi wa Jeshi la Polisi nchini kwa kuleta madereva hawa NIT kupata mafunzo haya ambayo ni muhimu kwaajili kuhakikisha viongozi wetu wanakuwa salama"

Aidha, Dkt.Mshana ametoa wito kwa madereva walioshiriki mafunzo hayo kuzingatia yote waliyofundishwa kwa kuzingatia maadili ya kazi na sheria za usalama barabarani.

"Ni matumaini yangu baada ya kuhitimu mafunzo haya mtakuwa mabalozi wazuri kwa kutekeleza majukumu yenu kwa weledi na kuzingatia sheria za usalama barabarani.

Kwa upande wake Mwakilishi wa Mkuu wa Chuo cha Maafisa wa Jeshi la Polisi SCP.Deus Sokoni ameushukuru Uongozi wa Chuo pamoja na wakufunzi wa Chuo kwa kuandaa mafunzo ya VIP kwa madereva wa Jeshi la Polisi.

Mafunzo ya VIP daraja la pili kwa madereva wanaoendesha viongozi wa Jeshi la Polisi yalianza tarehe 1 hadi 30 Aprili 2026 ambapo jumla ya madereva hamsini (50) kutoka Jeshi la Polisi wamehudhuria na kutunukiwa vyeti.

Mkuu wa Chuo cha Taifa cha Usafirishaji (NIT), Mha.Dkt. Prosper Mgaya amekabidhi zawadi mbalimbali kwa wafanyakazi bora na hodari wa Chuo kwa mwaka wa fedha 2025/2026. Watumishi hao wamekabidhiwa zawadi zao ikiwemo fedha taslimu na vyeti tarehe 30 Aprili 2026.

Akizungumza na watumishi wa Chuo wakati wa hafla fupi ya kukabidhi zawadi kwa wafanyakazi bora na hodari iliyofanyika katika ukumbi wa MPH uliyopo katika kampasi ya Chuo Mabibo Jijini Dar es salaam Dkt. Mgaya amewapongeza wafanyakazi kazi hao kwa kuibuka washindi katika zoezi la kuchagua wafanyakazi bora na hodari wa Chuo lililofanyika hivi karibuni baada ya kuidhinishwa kwa Mwongozo wa Jinsi ya Kumpata Mfanyakazi Bora na Mfanyakazi Hodari wa Chuo.

"Kwa niaba ya Uongozi wa Chuo nawapongeza watumishi wote waliochaguliwa kuwa wafanyakazi bora na hodari katika mwaka huu wa fedha,huu ni mwanzo mzuri natumaini mtakiwakilisha vizuri Chuo katika zoezi la utoaji wa tuzo wakati wa Maadhimisho ya Sikukuu ya Wafanyakazi Duniani kitaifa"

Aidha, Dkt.Mgaya amewahakikishia watumishi wa Chuo kuwa zoezi la kutoa motisha mbalimbali kwa wafanyakazi bora na hodari wa Chuo kuwa endelevu na kuboreshwa zaidi.

"Huu ni mwanzo tuu, tutaendelea na utaratibu huu mwakani na kufanya maboresho mbalimbali"

Zoezi la kuchagua wafanyakazi bora na hodari wa Chuo limehitimishwa leo kwa washindi kutangazwa na kukabidhiwa zawadi zao ambapo Mha.Castor Njako ameibuka mfanyakazi hodari wa Chuo, Bi.Rehema Mzee (mfanyakazi bora kada ya wanataaluma),Bw.Meshack Kimaro(mfanyakazi bora kada ya waendeshaji),na wafanyakazi bora katika kundi la ushindani akiwemo Bw.Honest Mrosso, aBw.Robert Kilamato,Bw.Michael Soka,Bw.Juma Msemwa, na CPA.Innocent Mshanga.

Chuo cha Taifa cha Usafirishaji (NIT) kinashiriki katika maonesho ya Maadhimisho ya Wiki ya Usalama na Afya Mahala pa Kazi kwa mwaka 2026, yenye kaulimbiu:
“𝐌𝐚𝐳𝐢𝐧𝐠𝐢𝐫𝐚 𝐛𝐨𝐫𝐚 𝐲𝐚 𝐤𝐢𝐬𝐚𝐢𝐤𝐨𝐥𝐨𝐣𝐢𝐚 𝐧𝐢 𝐧𝐣𝐢𝐚 𝐲𝐚 𝐤𝐮𝐢𝐦𝐚𝐫𝐢𝐬𝐡𝐚 𝐮𝐬𝐭𝐚𝐰𝐢 𝐰𝐚 𝐰𝐚𝐟𝐚𝐧𝐲𝐚𝐤𝐚𝐳𝐢 𝐧𝐚 𝐤𝐮𝐣𝐞𝐧𝐠𝐚 𝐭𝐚𝐚𝐬𝐢𝐬𝐢 𝐢𝐦𝐚𝐫𝐚.”

Katika maadhimisho haya, chuo kinaonesha shughuli mbalimbali zinazotekelezwa, pamoja na kushiriki katika kutoa mafunzo kwa madereva wa boda boda mkoani Njombe.

Maadhimisho haya ya siku sita yalianza tarehe 24 Aprili 2026 katika viwanja vya Shule ya Msingi Mjimwema, mkoani Njombe, na yanatarajiwa kuhitimishwa tarehe 29 Aprili 2026.

Wanawake wa Chuo cha Taifa cha Usafirishaji (NIT) wameshiriki kikamilifu katika maadhimisho ya Siku ya Wanawake Duniani yaliyofanyika Viwanja vya Barafu Mburahati, jijini Dar es Salaam tarehe 8 Machi 2026.

Maadhimisho hayo yamebebwa na kauli mbiu inayosema;
“Haki na Usawa kwa Wanawake na Wasichana: Msingi Jumuishi kufikia Dira 2050.”

Ushiriki huu unaonesha dhamira ya NIT katika kuendeleza usawa wa kijinsia, kuwainua wanawake na wasichana, na kuhamasisha nafasi sawa katika elimu, uongozi na maendeleo ya taifa.

Kwa pamoja tunaendelea kujenga jamii yenye haki, usawa na fursa kwa wote.